عن لمسة ايد من طفل برئ
لحظة تفكير فـ ماضى بعيد
وكأن السَنَة بتعدى صاروخ
امبارح كُنت بَلِف وأدوخ
زيك بالظبط وبتنطط .
من كام سنة وانا هنا
بيقولوا عليا مشكلة
يمكن من كُتر الأسئلة ؟!
انا كُنت صريح ،
بضحك على نفسى وبتشقلب
من غير تجريح ،
وبحب أصحابى ومدرستى
وبشكل حماسى ،
بفتح مقلمتى وبتمَلَى
من غير ما بقاسى !
عَدِت سَنَة ورا سَنَة
وأديني جاوبت الأسئلة
وفهمت أمور مستعجلة
وفوقت أوام ،
من حلم حلمته فـ يوم لما
حسيت بأمان !
ليست هناك تعليقات:
إرسال تعليق